वडा प्रहरी कार्यालय वालिङमा वालिङ नगरपालिका १० का वडा अध्यक्ष सुनिल खनाल विरुद्ध मुद्धा दर्ता भएको छ । मंगलबार आँधीखोला बचाउ अभियानका अभियानता दिनकर नेपाल भनेर चिनिने दिनेश तिवारीलाई रड प्रहार गरी घाईते बनाएको आरोपमा उनी विरुद्ध मुद्धा दर्ता भएको हो ।
वडाध्यक्ष खनाललाई ज्यानमार्ने उद्योगमा मुद्धा दर्ता भएको जिल्ला प्रहरी कार्यालय स्याङजाका प्रमुख प्रहरी उपरिक्षक दधिराम न्यौपानेले जानकारी दिए । एस्पी न्यौपानेले वडाध्यक्ष खनाल घटना पछि फरार रहेको बताउदै खोजी कार्यलाई तिब्र पारिएको बताए ।
सोही घटनाको कुटपिटमा संलग्न वडा नं. ८ का साजन पंगेनीलाई प्रहरीले पक्राउ गरी स्याङजा जिल्ला अदालतबाट ज्यान मार्ने उद्योग कसुरमा ७ दिनको म्याद थप गरी कानुनी कारबाही अगाडी बढाएको जनाएको छ । लुकिछिपी बसेको अवस्थामा मिर्दीबाट नियन्त्रणमा लिईएको प्रहरीले जनाएको छ ।
मंगलबार नेपाली कांग्रेसबाट निर्वाचित वालिङ नगरपालिका १० का अध्यक्ष खनालले आँधिखोला बचाउ अभियानको घोषणा गरी फर्केका तिवारीलाई फलामको रड प्रहार गरी घाईते बनाएका थिए । त्यसैगरी खनालले अर्का मेघ आलेलाई पनि कुटपीट गरी घाईते बनाएका थिए ।
राेशन लामिछाने आँधिखोला एक्सप्रेस डटकमका अध्यक्ष हुन् ।
