जिल्ला प्रहरी कार्यालय स्याङजाले आफ्नै विद्यार्थीको मोबाईल चोरी गर्ने एक शिक्षकलाई पक्राउ गरेको छ । पक्राउ पर्नेमा पोखरा महानगरपालिका वडा नं. १९ का २१ वर्षीय किरण तिवारी रहेको प्रहरीले जनाएको छ ।
परीक्षा गार्ड समेत रहेका कम्प्यूटर पढाउने तिवारीले पुतलीबजार नगरपालिका १ मा रहेको त्रिभुवन आदर्श बहुमुखी क्याम्पसमा स्नातक तह दोस्रो वर्षको बार्षिक परीक्षा संचालन भईरहेको अवस्थामा बेन्चमा राखी परीक्षामा सहभागी भएकी विद्यार्थीको मोबाईल चोरी गरेको प्रहरी अनुसन्धानबाट खुल्न आएको छ ।
मोवाईल चोरी गर्ने तिवारीलाई चोरी शिर्षकमा मुद्धा दर्ता गरी जिल्ला अदातलबाट म्याद थप गरी अनुसन्धान भैरहेको जिल्ला प्रहरी कार्यालयका प्रहरी निरिक्षक पदम थापाले बताए । तिवारीको साथबाट भिभो कम्पनीको मोबाईल बरामद गरीएको उनले जानकारी दिए ।
तिवारीले तत्कालीन समयमा विभिन्न तहमा अध्यानरत विद्यार्थीहरुलाई कम्प्यूटर पढाउदै आएका थिए । तिवारी वर्तमान समयमा क्याम्पसमा कर्मचारीको रुपमा नरहेको त्रिभुवन आदार्श बहुमुखी क्याम्पस प्रशासनले जनाएको छ ।
राेशन लामिछाने आँधिखोला एक्सप्रेस डटकमका अध्यक्ष हुन् ।
