कौशिक गोत्रीय रेग्मी बन्धु समाज स्याङजाको जिल्ला भेला तथा भेटघाट कार्यक्रम पुतलीबजार नगरपालिका–५ हरिहर धाम नयाबजारमा सम्पन्न भएको छ । नयाँ कार्यसमिति गठन गर्ने तथा धर्मको महत्व प्रचार प्रसार गर्ने उद्देश्यले कार्यक्रमको आयोजना गरिएको हो ।
कार्यक्रमलाई सम्बोधन गर्दै कौशिक गोत्रीय रेग्मी बन्धु समाजका केन्द्रिय अध्यक्ष निल प्रसाद रेग्मीले वर्तमान समयमा धार्मीक महत्व बड्दै गएको बताउदै आफ्नो गोत्रको प्रचार प्रसार गर्नुपर्ने समय आएको बताए । उनले आफ्नो गोत्र विर्सन नहुने बताउदै गोत्रमा धार्मीक ज्ञान रहेको जानकारी समेत दिए ।
कार्यक्रममा सूर्य प्रसाद रेग्मी, बुद्धि प्रसाद रेग्मी, विष्णुमणि रेग्मी, टिकाराम रेग्मी, सुधीर रेग्मी, सुदर्शन रेग्मी र लोकनाथ रेग्मी लगाएलते मन्तव्य राखेका थिए । साथै सोही भेलाले नवदत्त रेग्मीको अध्यक्षतामा कौशीक गोत्रीय रेग्मी बन्धु समाज स्याङजाको नया कार्य समिति समेत चयन गरेको छ ।
समितिको उपाध्यक्षमा कपिलमणि रेग्मी, सचिवमा शैलेन्द्र रेग्मी, सहसचिवमा अनिता रेग्मी र कोषाध्यक्षमा छायारेवी रेग्मी रहेका छन् । समितिको सदस्यहरुमा लक्ष्मीकान्त रेग्मी, नारायण रेग्मी, महेश्वर रेग्मी, कृष्ण रेग्मी, शेषकान्त रेग्मी र कमलापति रेग्मी रहेका छन् । सोही भेलाले रुद्रप्रसाद शर्मा रेग्मी, कुलप्रसाद रेग्मी र टुक प्रसाद रेग्मीलाई सल्लाहकारमा चयन गरेको छ । स्याङजा जिल्ला संयोजक रुद्रप्रसाद रेग्मीको अध्यक्षतामा सम्पन्न कार्यक्रमको संचालन महेश्वर रेग्मीले गरेका थिए ।
राेशन लामिछाने आँधिखोला एक्सप्रेस डटकमका अध्यक्ष हुन् ।
