लत्रे पिपल ईन्टरटेनमेन्ट मिडिया हाउस प्रालिले हरितालिका तीज ०८० को अवसरमा खुल्ला तीज गीत तथा एकल नृत्य प्रतियोगिता सम्पन्न गरेको छ । पुतलीबजार ७ स्थित जनता माविको प्रांगणमा तीज गीत तथा एकल नृत्य प्रतियोगिता सम्पन्न गरेको हो ।
प्रतियागितामा तीज गीततर्फ लत्रे पिपल समाज सुधार आमा समूह पुतलीबजार ३ प्रथम, कालिका आमा समूह पुतलीबजार ७ द्वितीय, नमुना आमा समूह पुतलीबजार ७ तृतीय र जनता मावि विद्यार्थी समूह सान्त्वना भएका छन् ।
त्यस्तै एकल नृत्य प्रतियोगितातर्फ आरती रेग्मी प्रथम, रश्मी क्षेत्री द्वितीय, शिवानी क्षेत्री तृतीय र मोनिका थापाले सान्त्वना पुरस्कार पाएका छन् । बिजेताहरुलाई नेपाली कांग्रेस क्षेत्र नं १ का सचिव मनोज मल्लले नगदसहित प्रमाणपत्र वितरण गरेका थिए । लत्रे पिपल ईन्टरटेनमेन्ट मिडिया हाउसका प्रालिका अध्यक्ष प्रेम थापाको सभापतित्व सम्पन्न कार्यक्रममा नेपाली कांग्रेस क्षेत्र नं १ का सचिव मनोज मल्लले सबै मिलेर संस्कृतिको जग्रेर्ना गर्नुपर्ने बताए ।
उक्त कार्यक्रममा पुतलीबजार नगरपालिका वडा नं ७ का अध्यक्ष कृष्ण बहादुर आले, वडा नं ३ का सदस्य सोम बहादुर कुवंर, वडा नं ७ का निवर्तमान अध्यक्ष विश्वेस्वर प्रसाद रेग्मी, नेपाली कांग्रेस वडा नं ७ का सभापति नरेन्द्र विक्रम थापाले शुभकामना मन्तव्य राखेका थिए भने संचालन समुन्द्र नेपालले गरेका थिए ।
राेशन लामिछाने आँधिखोला एक्सप्रेस डटकमका अध्यक्ष हुन् ।
