चापाकोट नगरपालिकाका निवर्तमान मेयर शिवकुमार गिरीको सवारी दुर्घटनामा परी मृत्यु भएको छ । पुतलीबजार नगरपालिका–१०, बर्जा स्थित सवारी दुर्घटना हुदा चापाकोट नगरपालिका ४ दार्सिङ घर भै हाल पुतलीबजारमा बस्ने ६० वर्षीय गिरीको मृत्यु भएको हो ।
बालिङबाट स्याङ्जा बजारतर्फ आउँदै गरेको बा १५ च १७०१ नम्बरको स्कारपियो पुतलीबजार नगरपालिका १० वर्जामा अनियन्त्रित भई दुर्घटना भएको जिल्ला प्रहरी कार्यालय स्याङजाले जानकारी दिएको छ । पूर्ण रुपमा क्षेती भएको स्कारपियोले गिरीलाई च्यापेको अवश्थामा स्थानीयहरुले उद्धार गरेको प्रहरीले जनाएको छ ।
सवारी दुर्घटनामा परि गम्भीर घाइते भएका गिरीको उपचारका लागि जिल्ला अस्पताल पठाएको थियो । उनको उपचारको क्रममा राति मृत्यु भएको जिल्ला प्रहरी कार्यालय स्याङ्जाका प्रवक्ता एवं सुचना अधिकारी रविन्द्र खनालले जानकारी दिए ।
घटना पश्चात स्कारपियो चालक पुतलीबजार नगरपालिका ९ कोल्मा बस्ने ३२ वर्षीय सुरज नेपालीलाई प्रहरीले नियन्त्रणमा लिएको छ । स्कारपियो पूर्णरुपमा क्षेती भएको प्रहरीले बताएको छ ।
राेशन लामिछाने आँधिखोला एक्सप्रेस डटकमका अध्यक्ष हुन् ।
