सृजना सुवेदी
जिल्ला समन्वय समिति स्याङ्जाको भवनमा एक कार्यक्रमका विच स्याङजा सहयोग समाज अन्तराष्ट्रिय समन्वय समितिको केन्द्रीय कार्यालयको उद्घाटन गरिएको छ । स्याङजा सहयोग समाज अन्तराष्ट्रिय समन्वय समितिले गरेका रचनात्मक कार्यहरु बाहिर ल्याउने उद्देश्यले कार्यालयको उद्घाटन गरिएको हो ।
स्याङजा सहयोग समाज अन्तराष्ट्रिय समन्वय समितिको जिल्ला समन्वय समिति स्याङ्जाका प्रमुख श्रीप्रसाद जीटीले उद्घाटन गरेका हुन् । उनले कार्यालयको उद्घाटन गर्दै संस्थाले राम्रो काम गरेकोमा प्रशंसा गरे । स्याङजा सहयोग समाज अन्तराष्ट्रिय समन्वय समितिले धेरै दिन दुःखीलाई सहयोग गरेको बताउदै जिल्ला समन्वय समिति र स्याङजा सहयोग समाज अन्तराष्ट्रिय समन्वय समितिको सहकार्यमा उदाहरणीय कार्य गरिने बताए ।
कार्यक्रममा उपप्रमुख खडगराज सुवेदी, भूमि आयोग स्याङ्जाका अध्यक्ष शोभाखर ढकाल, गरिमा विकास बैंकका प्रमुख चिरन्जीवी अर्याल, संस्थाका संरक्षक खेम काफले र राजेशदर्शन अर्याल लगायतले शुभकामना मन्तब्य ब्यक्त गरेका थिए ।
समाजका अध्यक्ष टुकराज अर्यालको अध्यक्षतामा सम्पन्न कार्यक्रममा युवा संयोजक ओमकार पोखरेलले स्वागत एवं सदस्य चिरन्वी ढकालले संचालन गरेका थिए । सोही कार्यक्रममा समाजका अध्यक्ष टुकराज अर्यालले हाल सम्म समाज स्याङजा जिल्लामा ८ करोड रकम सहयोग गरेको बताए । उनले आवश्यक परेको ठाउमा अझै सहयोग गर्ने प्रतिवद्धता समेत व्यक्त गरे ।
राेशन लामिछाने आँधिखोला एक्सप्रेस डटकमका अध्यक्ष हुन् ।
