वालिङ च्याम्बरको सझौतामा बंगलामुखी नेपाल एम्युजमेण्ट प्रा.लि.ले आयोजना गरेको प्रथम पिंकसिटी महोत्सवमा अबैध गतिविधी भएको स्थानीयहरुले गुनासो गरेका छन् । उनीहरुले महोत्सवको नाममा अबैध गतिविधी हुदा समेत जिल्ला प्रशासन कार्यालय र करदाता सेवा कार्यालय स्याङजा मौन बसेको आरोप लगाएका हुन ।
नेपाल सरकारको कानुन अनुसार मेला महोत्सवमा मदिरा तथा सुर्तीजन्य उत्पादक कम्पनीहरुले प्रायोजन गर्न पाउदैनन् तर ठेकेदार कम्पनीले वालिङमा आयोजना गरेको महोत्सवमा गोर्खा ब्रुअरीले प्रायोजन गरेको छ । अनुगमनको अधिकार पाएको प्रशासन मौन छ ।
यस बारे प्रश्न गर्दा निमित्त प्रमुख जिल्ला अधिकारी दिपक प्रसाद पौडेलले सिडियो साप सुनिता नेपाल विदामा रहेको र उहाँ आएपछि अनुगम गरिने प्रतिकृया दिए । महोत्सवमा मदिराको विक्री वितरण रोक्न प्रहरीलाई खबर गरेको उनले बताए ।
त्यसैगरी मेला महोत्सवका स्टलहरुमा मदिरा तथा सुर्तीजन्य वस्तुहरु विक्री वितरण गर्न पाईदैन । सोही मेलामा कानुन विपरीत गोर्खा ब्रुअरीले मदिराको स्टललै राखेर मदिरा विक्री वितरण गरेको छ । करदाता सेवा कार्यालय स्याङजालाई जानकारी हुदाँ समेत कानमा तेल हालेर कता लुकेको छ ? स्थानीयले प्रश्न गरे । मदिरा बेच्ने पसल दर्ता हुनुपर्छ तर उनीहरु राज्यलाई नै च्यालेन्ज दिई विना दर्ता धन्दा चलाईरहेका छन् ।
करदाता सेवा कार्यालय स्याङजाकी प्रमुख गंगा बस्यालले अनुगमनको लागि प्रशासन र प्रहरी सग समन्वय गरेर अगाडी वढ्ने बताइन् । सकेसम्म सबै स्टलहरुलाई कानुनको दायरामा ल्याउने र अबैध क्रियाकलापहरुलाई नियन्त्रण गरि कारबाही गरिने उनले जानकारी दिईन् ।
बजारमा रहेका पसल तथा होटलहरुलाई ८ बजे नै बन्द गर्न अनुरोध गर्ने प्रहरीले ९ बजे सम्म महोत्सव गर्न अनुपति दिनु प्रशासनको मिलेमतो छैन भन्न सिकन्छ र ? यस प्रकारको व्यवहारले प्रशासनलाई कुरीकुरी भनेन र ? कि कसो त ? हैन र ?
राेशन लामिछाने आँधिखोला एक्सप्रेस डटकमका अध्यक्ष हुन् ।
