स्याङजामा प्रमुख जिल्ला अधिकारी पौडेल विरुद्ध नाराबाजी

आँधिखोला सेरोफेरो राजनीति समाचार समाज

पुतलीबजार नगरपालिका १० राङखोलामा नेकपा एमाले नेता तथा कार्यकर्ताले प्रमुख जिल्ला अधिकारी राजु प्रसाद पौडेल विरुद्ध नाराबाजी लगाएको छन् । एमालेको ¥यालीमा आक्रमण गर्ने एक युवालाई प्रजिअको निर्देशनमा प्रहरीले नियन्त्रण पश्चात छोड्न खोजेको आरोप लगाउदै प्रजिअ विरुद्ध नाराबाजी गरेका हुन् ।

उनीहरुले सिडियो स्याङजा छोड र राजिनामा दे जस्ता नारा लगाएका थिए । यसबारे प्रमुख जिल्ला अधिकारी पौडेल सग सम्पर्क गर्दा फोन उठेन । करिब दिउसो २ बजे देखी साझ ५ बजे सम्म सिद्धार्थ राजमार्ग समेत अवरुद्ध बनेको थियो । दोषीलाई कारबाही गर्ने सहमती सगै राजमार्ग शुचारु भएको थियो । पुतलीबजार नगरपालिका १० का वडा अध्यक्ष पदका उमेद्वार गौतम थापा विष्णु घाईते भएको छन् ।

पुतलीबजारको नागडाडा देखी हेलु सम्म नेकपा एमालेले आयोजना गरेको चुनावी ¥यालीमा प्रजिअको संरक्षणमा कांग्रेस कार्यकर्ताहरुले आक्रमण गरेको नेकपा एमाले पुतलीबजार नगरकमिटि अध्यक्ष भरत गोदारले आरोप लगाए । उनका अनुसार पहिल्यै नियन्त्रणमा लिईएको युवालाई जिल्लामा ल्याएर कारबाही गर्नुको सट्टा प्रहरी विच बाटोमै छाडेका थिए ।

घटना पश्चात प्रमुख जिल्ला अधिकारी राजु पौडेलको कार्यकक्षमा भएको बैंठकमा नेकपा एमाले युवा नेता भरत गोदारले प्रमुख जिल्ला अधिकारी पौडेल नेपाली कांग्रेसको कार्यकर्ता भएर काम गरेको आरोप लगाएका थिए । सोही बैठकमा गोदारले प्रमुख जिल्ला अधिकारी पौडेलसग टेबुलमा टसल गरेका थिए ।

राङखोला चोकमा गर्ने भनिएको कोण सभा शहिद चोक स्याङजामा भएको थियो । कार्यक्रमलाई नेकपा एमाले केन्द्रिय सदस्य सिता कुमारी सुन्दास नारायण मरासिनी, पुतलीबजार नगरपालिका मेयर तथा केन्द्रिय सदस्य सिमाकुमारी क्षेत्री, संघीय साम्सद नारायण प्रसाद मरासिनी र अमृत नेपाली लगाएतले मन्तव्य राखेका थिए ।

उनीहरुले नेपाली कांग्रेसले चुनाब जित्न पुतलीबजार नगरपालिकाले पहिला नै संचालन गरिसकेका कार्यक्रमहरुको प्रलोभन देखाएको बताए । उनीहरुले कांग्रेसले देखाएको ललिपपमा कोही जनता नझुक्कीने बताए ।

Facebook Comments Box

Leave a Reply

Your email address will not be published.