विश्व हिन्दु युवा संघ स्याङ्जाले एक घर, एक गिता अभियान संचालन गरेको छ । सो अभियान अन्तर्गत संघले स्याङ्जाको अर्चुनचौपारी गाउपालिका १ स्थित अर्जुनचौपारी चिल्ड्रेन एकेडेमीमा गिता पुस्तक वितरण गरेको हो ।
विद्यालयमा ८ देखि १० कक्षासम्म अध्ययन गर्ने विद्यार्थीहरुलाई गीता पुस्तक वितरण गरेको विश्व हिन्दु युवा संघ स्याङ्जाका अध्यक्ष नवराज पौडेलले जानकारी दिए । उनले गीता पुस्तकले हामीलाई दर्शन, नैतिक र धर्मको कुरा सिकाउने हुँदा गिता अत्यन्तै महत्वपुर्ण रहेको बताए । हरेक हिन्दुको घरमा गीता पुस्तक अनिबार्य हुनुपर्ने कुरामा उनको जोड थियो ।
कार्यक्रममा अर्जुनचौपारी १ का वडा अध्यक्ष रण बहादुर थापा, विद्यालयका प्रिन्सिपल मेघ राज केसि, विश्व हिन्दु युवा संघ स्याङ्जाका सदस्य भिम बहादुर रोका लगायतले गिता पुस्तकसंग सम्बन्धित रहेर आआफ्नो धारणा राखेका थिए । केहि दिन अघि मात्रै संघले पन्चकन्या मा वि मा पुस्तक वितरण गरेको थियो । यो अभियान तिब्रताका साथ अगडी बढाईने कुरा समेत संघ स्याङ्जाका अध्यक्ष पौडेलले बताए ।
संघले जिल्लामा विभिन्न रचनात्मक कार्यहरु गर्दै आएको छ । संघले स्याङ्जामा विद्यालय तहमा नैतिक शिक्षा लागु, एक पालिका एक सस्कृत पुस्तकालय, सस्कृत भाषा कक्षा सन्चालन, गीता पुस्तक वितरण अभियान, पृथ्वी जयन्तीमा सार्वजनिक बिदा जस्ता अभियान सन्चालन गर्दै आएको छ । सोहि कार्यक्रम अन्तर्गत संघले गीता वितरण अभियानलाई अगाडि बढाएको हो ।
पवन मरासिनी आँधिखोला एक्सप्रेस डटकमका संवाददाता हुन् ।
