प्रमुख जिल्ला अधिकारी सुनिता नेपालले पत्रकारहरुसंग समसामियक विषयमा अन्तरक्रिया सहित नवनिर्वाचित पत्रकारहरुलार्ई अविर र खादाले बधाई व्यक्त गरेकी छन् । प्रजिअ नेपालले पत्रकारहरुले समाजमा लुकेर रहेका समस्या, विकृत्ति र विसंगतिलाई उजागर गर्दै सभ्य समाज निर्माणमा अहम भुमिका निर्वाह गरेको बताईन् ।
प्रशासनले समाजमा सुशासन कायम गर्न कुनै कसर बाँकी नराखेको भन्दै पत्रकारका जिज्ञासाका विषयमा नेपालले प्रष्ट्याएकी थिइन् । साथै प्रजिअ नेपालले प्रशासनले प्रत्येक महिनामा बजार अनुगमन गर्ने, मनसुन जन्य बिपदमा परेको हकमा राहत, उद्धार र पुर्ननिर्माणको काममा जुटेको जानकारी दिईन् ।
कार्यक्रममा डिएसपि हरिप्रसाद पौडेलले पत्रकारले राखेका सवारी भाडा, सिट क्षमताभन्दा धेरे यात्रु राख्ने, जुवातास लगायतका जिज्ञासामा यस्ता अवैध कार्य भएको देखेमा तुरुन्त प्रहरीलाई खबर गर्न आग्रह गर्दै यसका लागी प्रहरी एक्लैको प्रयासमा संभव नभएको भन्दै नागरिकले पनि साथ दिनुपर्नेमा जोड दिए ।
कार्यक्रममा पत्रकार महासंघका अध्यक्ष प्रदिप कोईराला, निर्वतमान अध्यक्ष तथा प्रदेश सदस्य श्रीकृष्ण सिग्देल, पत्रकारहरु अर्जुन काफले, जोगराज पाठक, हिमलाल पराजुली, गोपाल जिटि, तोलाकान्त बगाले लगायतले जिज्ञासा राखेका थिए । कार्यक्रमको सञ्चालन सहायक प्रमुख जिल्ला अधिकारी दिपक पौडेलले गरेका थिए ।
राेशन लामिछाने आँधिखोला एक्सप्रेस डटकमका अध्यक्ष हुन् ।
